Ditën e sotme, SPAK ka dhënë pretencën për kryebashkiakun e zgjedhur të Himarës, Fredi Beleri, i cili ndodhet në paraburgim për blerje votash.
Bëhet me dije se Prokuroria e Posaçme ka kërkuar 2 vite e 6 muaj burg për Belerin, duke humbur kështu edhe postin e tij të fituar nga zgjedhjet e 14 majit.
Ndërkohë për Pandeli Kokaveshin u kërkua dënimi me 2 vite burgim, i cili u konvertua me 4 vite shërbim prove. Kjo masë për Kokaveshin u dha pasi ai ka probleme shëndetësore, si dhe fëmija i tij i mitur ka probleme shëndetësore.
Lidhur me këtë lajm ka folur edhe avokati i tij, i cili u shpreh se çështja Beleri është ndërtuar si një fabul e turpshme nga prokuroria dhe gjykata.
“Nuk ka një fotot të tyre të Hasan Ramës, jo më Belerit, është e ndërtuar shumë keq si fabul, e turpshme, e pritshme, gjykata është në vëmendje e prokurorisë, çfarë flet prokuroria. E tërhoqi procesin, rrëzoi të gjitha kërkesat, pasi administroi dëshmitë e rreme të Abdyl Ramës. Do të kishin një foto të Arsenit, jo më Belerit. I gjithë procesi është mbi dëshminë e dy vëllezërve të dy të dënuar”, u shpreh avokati.
