Mëngjesin e ditës së sotme një aksdent tragjik është regjistruar në Lushnjë.
Raportohet se drejtuesja 26-vjeçare e një automjeti tip “Toyota” ka përplasur një të moshuar, ky i fundit po lëvizte me biçikletë. Bëhet e ditur se ngjarja ka ndodhur rreth orës 09:45, në aksin rrugor “Lushnjë-Rrogozhinë”, kur e reja është përplasur me biçikletën me drejtues shtetasin V. D., 70 vjeç, i cili ka ndërruar jetë.
Ndërkohë që shtetasja A. Xh. është shoqëruar në Komisariat, me të cilën po kryhen veprimet hetimore.
Njoftimi i policisë:
Lushnjë/Informacion paraprak
Rreth orës 09:45, në aksin rrugor “Lushnjë-Rrogozhinë”, në fshatin Golem, automjeti me drejtuese shtetasen A. Xh., 26 vjeçe, është përplasur me biçikletën me drejtues shtetasin V. D., 70 vjeç, banues në Golem, i cili ka ndërruar jetë.
Shtetasja A. Xh. është shoqëruar në Komisariat, me të cilën po kryhen veprimet hetimore.
Grupi hetimor po punon për zbardhjen e rrethanave të aksidentit.
