Një ngjarje tronditëse është regjistruar në Tiranë, ku një fëmijë 3-vjeç ka humbur jetën pasi ishte te dentisti. Ndërkohë që daja i viktimës se dentisti Roland Xhaxho ua ka dhënë djalin në gjendje kome të rënduar. Për më tepër, i ka ‘qetësuar’ duke iu thënë se kjo është një gjendje normale për shkak të anestezisë.
“Jam daja i djalit, kishte 3-4 dhëmbë të prishur, na ankohej se nuk hante bukë. Pyetëm shumë veta me anestezi, mjekë zemre, shkuam te Roland Xhaxho dy tre herë, bashkë me gocën i kanë trajtuar 14 dhëmbë djalit, e mbajtën 4 orë në sallë dhe na e dha çunin në gjendje kome, të rënduar. Na tha që ishte një gjendje normale për shkak të anestezisë. Kur e çuam te pediatria e futën direkt te reanimacioni pa puls. Mjeket bënë ta pamundurën, thanë se nëse do e kishim çuar më parë do kishte shpëtuar, i ishte helmuar mëlçia. Vrasësit janë Roland dhe Ina Xhaxho, do të bëjmë të pamundurën që ai të mos e kalojë kaq lehtë.
