Vjedhja e energjisë elektrike edhe një herë tjetër është kthyer në qendër të vëmendjes dhe këtë herë janë të përfshirë edhe punonjësit e OSHEE-së.
Ditën e sotme janë vënë në pranga katër punonjës të Operatorit të Shpërndarjes së Energjisë Elektrike dhe një pronar hoteli në Shëngjin.
Kjo sepse të pestë në bashkëpunim me njëri-tjetërin kanë vjedhur energjinë elektike dhe i kanë shkaktuar dëm të madh kompanisë.
Hetimet nuk janë hapur tani. Mësohet se që prej muajit gusht 2018 është vënë rë se punonjësit e OSHEE nuk faturonin energjinë elektrike të konsumuar dhe pasi janë bërë të gjitha verifikimet e nevojshme është marrë edhe vendimi për arrestimin e tyre.
Ditën e djeshme të katër ish-punonjësit e OSHEE dhe pronari i hotelit kanë dalë para Gjykatës së Lezhës, ku edhe janë njohur me masën e sigurisë të marrë ndaj tyre që është “arrest me burg”.
