Një ngjarje e paprecedentë ka ndodhur në Vlorë.
E moshuara 82-vjeçare Azbie Resulaj ka kryer një denoncim ku deklaron se është dhunuar nga familjarët e nuses së djalit.
Ajo është paraqitur ditën e sotme në Spitalin Rajonal të Vlorës me disa fraktura serioze në trup dhe dyshohet të jetë dhunuar. Duke parë gjendjen e saj, bluzat e bardha e kanë futur menjëherë në sallë.
E moshuara ka disa plagë në pjesë të ndryshme të trupit. Teksa është pyetur, e moshuara ka thënë se e kanë dhunuar njerëzit e nuses së djalit. Sipas të dhënave paraprake e moshuara ka pësuar trauma në disa pjesë të trupit, ndërsa ende nuk dihen shkaqet apo motivi i autorit për veprimin. Pritet që grupi hetimor të zbulojë të vërtetën e ngjarjes, e se kush janë përgjegjës personat për dhunën ndaj të moshuarës.
