Ditën e sotme SPAK kërkoi 10 vite burg për ish-ministrin Lefter Koka.
Ndërkohë që analisti Ylli Manajni e konsideron këtë vendim si skandaloz, madje sipas tij këtë gjë nuk do ta bënte as në kohën e tij dikatori Enver Hoxha. Ai shton se SPAK po i dërgon mesazhe popullit se “dënohet një politikan apo biznesmen pa prova mund të dënohet kushdo”.
“Drejtësia duhet të ulë stekën. Profesionistët e kanë detyrë publike të mos lodhen dhe t’i shpjegojnë popullit se në çfarë gjendje skandaloze ngrihen çështje dhe vendosen njerëz para drejtësisë me gjyqtarë që janë të trembur. Nuk ka asgjë të provuar, inceneratori është aty prezent. Sipas ekspertëve kompania ka harxhuar më shumë para se sa është dashur të harxhojë, nuk flitet më për korrupsion.
Akuza nuk di të thotë sa është vlera e korrupsionit. Këtë se ka bërë as Enver Hoxha. Kjo nuk i shërben publikut. Stisja e gjërave për interesa politike nuk është gjë e mirë për drejtësinë. Duhet të rritet besimi te drejtësia, po jo t’i tregohet publikut që unë të fus në burg”, shprehet Manjani në reagimin e tij lidhur me këtë çështje.
Theksojmë se nga gjykimi i shkurtuar, ish-ministri të mjedisit Koka dënimi i ulet në 4.6 vite ndërsa Bllakos në 2.8 vite burg.
Kujtojmë që ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit Lefter Koka e kryetarin e shpronësimeve, Pëllumb Abeshi. Por, Koka ndodhet pas hekurave për këtë çështje prej më shumë se dy muajsh, edhe pse e ka apeluar disa herë masën e sigurisë duke përdorur si justifikim edhe gjendjen e tij shëndetësore.
