Shqipëria mbajti një ditë më parë (14 Maj) zgjedhjet vendore 2023.
Ka përfunduar procesi i votimit në të gjithë vendin për zgjedhjet vendore në 61 bashki të vendit.
Aktualisht PS kryeson në 54 bashki duke e ngjyrosur me ‘rozë’ hartën e Shqipërisë.
Në Kamëz, Vorë, Elbasan, Pustec, Peqin, Librazhd, Roskovec dhe Delvinë ka përfunduar procesi i numërimit, ndërsa vijon në bashkitë të tjera.
Sot ka përfunduar procesi i numërimit të votave në Bashkinë e Pukës, ku ka triumfuar koalicioni “Bashkë Fitojmë”.
Partia Socialiste ka fituar edhe në Bashkinë e Këlcyrës.
Kandidati i saj, Klement Ndoni arriti të sigurojë 2018 vota, duke lënë pas rivalin e “Bashkë Fitojmë” Arjan Kasaj me 1936 vota.
Kandidati i Partisë Socialiste, Dhimitraq Toli në Dropull, ka fituar bindshëm duke marrë 3709 vota, ose 81.25%.
PS ka fituar edhe në Bashkinë e Delvinës, ku kandidati socialist u konfirmua si alternativa më e besuar e qytetarëve delvinjotë.
Kryebashkiaku i ri Besmir Veliu mori 3103 vota, kurse Ilir Mehmeti siguroi 1843 vota.
Ka përfunduar procesi i votimit në Bashkinë e Tepelenës. Janë numëruar 22 qendrat e votimit dhe rezultati është më shumë se bindës për Partinë Socialiste dhe kandidatin e saj, Tërmet Peçin.
PS ka triumfuar edhe në Kolonjë.
Mbi 3.6 milionë qytetarë kishin të drejtë vote, për të zgjedhur 61 kandidatë për kryebashkiakë. Në 61 bashki të vendit ishin të hapura 5213 qendra votimi. Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime. Për herë të parë në Kamëz, Vorë dhe Elbasan pati votim dhe numërim elektronik dhe në të treja këto bashki, fitues doli PS.
