Teksa ditën e sotme po mbahen zgjedhjet lokale në të gjithë vendin për të vendosur për drejtuesit e pushtetit vendor, një fshat në Gramsh ka marrë një vendim drastik.
Të gjithë banorët e fshatit në mënyrë unanime kanë vendosur që të mos votojnë, duke bojkotuar në këtë mënyrë procesin. Fshati Grabovë në bashkinë e Gramshit, nuk kanë dalë ditën e sotme në votime në shenjë proteste për mungesën e investimeve kryesisht në infrastrukturë. Gjatë ditës së sotme, kur po zhvillohen zgjedhjet vendore në mbarë vendin, banorët në këtë fshat kanë zgjedhur ta bojkotojnë këtë proces. Edhe në vitin 2021, ata nuk kanë votuar për të njëjtën arsye. Pavarësisht thirrjeve që janë duke bërë politikanët si nga mazhoranca dhe opozita, duket se banorët e Grabovës, janë të vendosur në qëllimin e tyre për të mos marrë pjesë në proces.
Ndërkoë që në rang kombëtar deri në orën 12:00 pjesëmarrja sipas KQZ-së ishte 18.94%. Pra, kanë votuar 365191, nga 1927666 zgjedhës në listën e QV-ve të raportuara.
Bashkitë që kanë pjesëmarrjen më të lartë në raport me numrin e votuesve janë Kukësi, Devolli, Selenica, Roskoveci, Tropoja, Kolonja, Skrapari, Puka, Libohova dhe Fushë Arrëzi. Ajo që vihet re është se në bashkitë e vogla dhe pa ndonjë peshë të madhe elektorale ka një pjesëmarrje më të madhe të qytetarëve.
