Ditën e djeshme, kandidati i “Bashkë Fitojmë” në Himarë Fredi Beleri u arrestua,me urdhër të SPAK. Ai ka qenë nën shoqërinë e disa personave të tjerë në momentin që uniformat blu e kanë vënë në pranga.
Ndërkohë që ditëne sotme Fredi Beleri pritet të dale para gjyqit për t’u njohur me masën e sigurisë.Vetë Beleri dhe të tjerët, kanë mohuar që të jenë përfshirë në shkelje të tilla, si blerja e votave. Mësohet se Fredi Beleri, ka kërkuar mjekë në paraburgim, pasi ka pretenduar se nuk është ndjerë mirë nga ana shëndetësore.
Bëhet e ditur se Beleri ka pretenduar se është me diabet, madje ka evidentuar e dhe sënundje të tjera dhe kërkon mjekët që të vlerësojnë nëse duhet të qëndrojë në qeli apo në spital. Ndërsa Pandeli Kakoveshi, miku i Fredi Belerit, i arrestuar po ashtu për blerje votash, është shtruar në spital te QSUT në Tiranë, pasi ka pretenduar se ka probleme shëndetësore. Pritet që masa e sigurimit personal ndaj tij të bëhet në ambientet e spitalit të QSUT.
Burime thonë se e pranishme në gjyq do të jetë edhe ambasadorja greke në vendin tonë Konstantina Kamitsi.Theksojmë se arrestimi i Fredi Belerit vjen 48 orë para mbajtjes së zgjedhjeve vendore të 14 Majit, ku 51-vjeçari garon përballë kryetarit aktual të bashkisë, Gjergji Goro, i cili kërkon një mandat tretë.
