Në prezantimin e kandidatit të koalicionit “Bashkë Fitojmë për Hasin, ish- kryeministri Sali Berisha ka hedhur akuza ndaj qeverisë për lëninen në harresë të veriut të vendit. Berisha gjithashtu tha se qeveria Rama ka vjedhur shqiptarët duke bërë investime përtej kostove. Ndërkohë që kritikoi dhe gjuhën e përdorur nga kryeministri gjatë fushatës. Sipas tij ajo është një gjuhë prej halabaku që Rama e përdor si kamuflim për të fshehur vjedhjet e tij.
“Investimet në punë publike janë vjedhur nga Rama dhe qeveritarët e tij
Ka ndërtuar rrugë në fushë me dyfishin e çmimit të tunelit të Elbasanit, me 10-12 herë me shtrenjtë se në Gjermani.
Ndërton shkolla me shtatë mln euro.
Të gjitha këto janë paratë tuaja.
Më 14 maj të votojmë ndryshimin, për shpëtimin e Hasit dhe Shqipërisë.
Ju e shihni fushatën e tij, kalon nga takimi në takim me një gjuhë të denjë për një halabak, përdor fjalë të turpshme, sepse e di që qytetarët i ka vjedhur, i ka varfëruar e i ka përzënë nga vendi i tyre, dhe thotë më mirë të më thonë halabak e i pacipë, se sa të thonë i kam vjedhur.
Por më 14 maj do e ndëshkojmë për krimet që ka kryer”, tha Berisha.
