Përveç Tiranës janë edhe qytete të tjera që janë ngritur në protesta, ku një prej tyre është edhe Shkodra që ndodhen në ditën e katërt të kryengritjes.
Megjithatë protesta e Shkodërs duket se ka pasur një incident të fortë mes drejtorit të policisë vendore Shkodër Vehbi Bushati dhe deputetit të PD, Bardh Spahia, i cili shoqërohej nga kreu i PD Shkodër Xhevdet Amuli.
Shkaku i gjithë debatit ka qenë infiltrimi I policëve të veshur si civil mes turmës, që sipas deputetit të PD kanë shkuar për t’i provokuar ata dhe për të shkaktuar trazira.
Sipas Ballkanweb, i gjendur aty pranë deputeti i PD Bardh Spahia ka reaguar menjëherë duke dale ne mbrojtje te protestuesve dhe duke i kërkuar policisë që të largohet. Debati ka qenë i fortë mes tyre, ndërsa drejtori Bushati ka kërkuar që të zbatohet ligji nga protestuesit.
Deputeti Spahia i është drejtuar duke i thëne se policia nuk duhet të merret me protestuesit, të cilët për katër dite kanë protestuar në mënyrë te qetë dhe paqësore dhe se policia duhet te zbardhë krimet dhe vrasjet e ndodhura në Shkodër për shkak se askush nuk është i sigurt në qytet.
“Mos i prekni protestuesit”-thotë deputeti i PD. “Mos u merrni me ne, por merruni me hajdutët”-dëgjohet të thotë një qytetar në video.
Në fund policia është tërhequr dhe gjithçka është mbyllur vetëm me këtë debat të fortë verbal mes tyre pa patur incidente apo konfrontime fizike.
