Një ngjarje e rëndë është regjistruar pasditen e sotme në Kavajë.
Në një lokal të këtij qyteti, Edmond Gosa 43 vjeç, ka plagosur me thikë shtetasin Sali Rexha, po 43 vjeç, ndërsa ky i fundit ka plagosur me armë zjarri Gosën.
Si pasojë e plagëve të rënda, ata kanë ndërruar të dy jetë në spital.
Ndërkohë që Policia e Kavajës ka dalë me një njoftim zyrtar në lidhje me të shtënat me armë, ku u regjistruan dy viktima.
Blutë bëjnë me dije se dy 43-vjeçarë janë konfliktuar me njëri-tjetrin te kryqëzimi i valutës.
Shtetasi me iniciale E.G ka goditur me thikë 43-vjeçarin A.R., ndërsa ky i fundit e ka qëlluar me armë. Të dy të konfliktuarit kanë ndërruar jetë në spital, ndërsa policia ka nisur hetimet për zbardhjen e plotë të ngjarjes.
“Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi E.G. 43 vjeç, ka plagosur me thikë shtetasin A.R., 43 vjeç, ndërsa ky i fundit ka plagosur me armë zjarri shtetasin Edmond Gosa.
Si pasojë e plagëve të marra të dy shtetasit e përfshirë në konflikt, kanë ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Në përfundim të veprimeve paraprake në vendngjarje, do të kemi një informacion vijues”, njofton policia./
