Qytetarët e Republikës së Kosovës mund të udhëtojnë pa viza udhëtojnë në vendet e BE-së. Për këtë ranë dakord negociatorët e vendeve të BE-së dhe Parlamenti Evropian. Heqja e vizave pritet të aplikohet më së voni nga viti 2024, njoftoi Parlamenti Evropian.
Mbajtësit e pasaportave kosovare mund të qëndrojnë në vendet e BE-së deri në 90 ditë pa vizë. I njëjti rregull do të zbatohet për të gjithë Ballkanin Perëndimor, pra edhe për Serbinë dhe Malin e Zi.
Marrëveshja për vizat duhet të konfirmohet edhe një herë nga Parlamenti dhe shtetet anëtare të BE-së, por kjo konsiderohet formalitet.
Kosova dorëzoi gjithashtu zyrtarisht edhe kërkesën për anëtarësim në BE. Formalisht Kosova ka vetëm statusin e “perspektivës së anëtarësimit në BE”. Pengesa kryesore për afrimin me BE-në është fakti që pesë shtete anëtare të BE-së – Spanja, Rumania, Sllovakia, Greqia dhe Qiproja – nuk e njohin Kosovën, shkruan DW.
Ndërkohë që Kosova ka marrë një hap të rëndësishëm siç është aplikimipër t’u anëtarësuar në Bashkimin Europian.
Teksa dje u nënshkrua aplikimi i Kosovës për t’u anëtarësuar në Bashkimin Europian, kryeministri Albin Kurti e ka dorëzuar në Republikën Çeke, vendi që aktualisht kryeson Presidencën e BE-së.
Ceremonia e dorëzimit mbahet në ndërtesën e Qeverisë çeke në Pragë. Një ditë më herët, udhëheqësit e Kosovës, përfshirë kryeministrin Kurti, presidenten Vjosa Osmani dhe kryetarin e Kuvendit, Glauk Konjufca, e nënshkruan aplikimin në Prishtinë, duke e cilësuar këtë si “hap historik” për Kosovën.
