Në bashkinë e Fierit do të ketë raund të dytë votimesh pas një jave.
Ermal Hamataj ka fituar 107 vota, Evdar Kodheli 413 vota, Denisa Muçaj ka fituar 34 vota, Artur Mahmutaj me 242 vota dhe Albano Zhapaj me 87 vota. Për bashkinë e Fierit në balotazh shkojnë Evdar Kodheli dhe Artur Mahmutaj.
Ka përfunduar procesi i numërimit të votave në Durrës ku fitues është shpallur Igli Cara.
Mësohet se Cara ka marrë 1398 vota, ndërsa Armand Dervishi që garonte përballë tij ka marrë 299 vota.
Hysni Sharra është konfirmuar fituesi i primareve në Vlorë.
Sharra ka dalë fitues duke marrë 549 vota, ndërkohë që kandidatet e tjera kanë marrë përkatësisht Nada Daullja 250 vota dhe Alta Haluci 231 vota.
Kanë votuar 1040 anëtarë dhe janë raportuar 10 vota të pavlefshme.
Ka përfunduar procesi i numërimit të votave për primaret e Partisë Demokratike edhe në Mirditë. Mësohet se kanë shkuar në balotazh kandidatët Albert Mlyshi dhe Aleksandër Lalaj
Në primaret e Mirditës kandidonin Aleksandër Lalaj, Albert Mlyshi, Artur Lazri, Gjon Ndoj, Martin Biba, Saimir Kola.
Kandidati i Partisë së Lirisë, Lefter Maliqi është shpallur fitues i procesit të primareve në Kuçovë. Pas, procesit të numërimit të votave, Maliqi ka festuar me fishekzjarre. Në një postim në rrjete sociale ai ka shprehur mirënjohjen për dy liderat, Ilir Meta dhe Sali Berisha.
Në Dibër numërimi i votave për procesin e zgjedhjes së kandidatit fitues për primaret ka përfunduar, duke çuar në balotazh kandidatët Besnik Alku dhe Ismail Uka.
Në Bashkinë Dibër, Besnik Alku ka fituar 291 vota, Fadil Begu ka marrë 268 vota, Margarita Markja 96 vota ndërsa Ismail Uka ka marrë 365 vota.n Sipas raportimeve të pavlefshme kanë rezultuar 8 vota.
Numërimi i votave për kandidatët e Primareve ka përfunduar edhe në Bashkinë Delvinë. Kandidati fitues është shpallur Ilir Mehmeti, pasi mori 185 vota ose 54 për qind. Hasan Alizoti mori 83 vota ose 24%, ndërsa Bati Cucuri mori 76 vota ose 22%
Procesi i numërimit të votave ka përfunduar edhe në Gjirokastër. Mësohet se fitues është shpallur Dorjan Lani me 291 vota. Lani ka lënë pas në garë Enkeleda Mushin me 48 vota dhe Telnis Skuqin me 34 vota.
Deputeti demokrat, Tritan Shehu, ka publikuar emrat e fituesve në disa qarqe.
Shehu ka bërë me dije se, kandidat i zgjedhur në Gjirokastër është Dorian Lani, në Libohovë, Adil Xhelili, në Përmet, Edmond Komino, në Tepelenë, Baftjar Imeri, në Memaliaj, Albert Malaj dhe në Këlcyrë, Arjan Kasaj.
Statusi i plotë i Tritan Shehut:
Te dashur miq!
Desheroj te falenderoj deget e PD te Qarkut te Gjirokastres per organizimin e perfundimin e Primareve ne ate qark.
Falenderoj gjithashtu te gjithe pjesemaresit ne keto Primare, qe me voten e tyre percaktuan kandidatet e PD per kryetar te atyre Bashkive.
Falenderoj tashme kandidatet e percaktuar per zgjedhjet e 14 Majit duke u uruar vetem fitore.
Falenderoj dhe te gjithe kandidatet e tjere, duke i vleresuar thellesisht e qene i bindur ne kontributin e tyre te cmuar ne periudhen qe vjen.
Kandidatet e zgjedhur jane:
Gjirokaster: Dorian Lani
Libohove: Adil Xhelili
Permet: Edmond Komino
Tepelene: Baftjar Imeri
Memaliaj Albert Malaj
Kelcyre: Arjan Kasaj
