Ditën e sotme opozita përkatësosht Partia Demokratike dhe Partia e Lirisë po zhvillojnë një protestë kundër qeverisë përpara kryeministrisë.
Rudina Hajdari është e pranishme në protestën e opozitës që po mbahet përpara kryeministrisë. Hajdari u ngjit në podium për të marrë fjalën ndërsa foli për problematikën e largimeve nga vendi, pensionistët dhe studentët.
Ish-deputetja demokrate u përlot kur përmendi babain e saj të ndjerë, Azem Hajdarin. Rudina Hajdari tha se teksa sheh kaq shumë njerëz në shesh, ëndrra e Azemit do do të realizohet. Në fund ajo deklaroi “Fitore, fitore dhe vetëm fitore!”.
“Unë jam Rudina Hajdari, sot të flas këtu është një privilegj i madh, së pari në këtë foltore dhe ju që jeni mbledhur sot këtu më kujtoni Azem Hajdarin. Azemi kishte vetëm një mision, që ta kthente Shqipërinë në vend të begatë dhe ju më mbushni mua me shpresë dhe energji që të luftoj sa më shumë që kjo ëndrra e tij të bëhet realitet. Ju përqafoj, ju dua shumë të gjithëve! Fitore, fitore dhe vetëm fitore!””, deklaroi e emocionuar ish-deputetja.
Theksojmë së skenari i protestës thuhet të jetë i ngjashëm me atë të 7 korrikut, ku disa persona do të mbajnë fjalën bashkë me ish-kryeministrin Sali Berisha në një podium.
