Kryeministri Edi Rama ka zhvilluar një bisedë telefonike me presidentin serb Aleksandër Vuçiç. Mësohet se kryeministri jonë ka diskutuar me vëllanë e tij serb, ashtu siç i është referuar edhe në daljet për mediat, për një dimër më të sigurt.
Lajmin e ka bërë të ditur Vuçiç në një postim në rrjete sociale ku shprehet se mes tyre kanë biseduar për takimin e ardhshëm në kuadër të Procesit të Berlinit. Në fokus të bisedës ka qenë edhe kriza energjetike.
“Fola me Edi Ramën dhe me Dimitar Kovçevski për hapat e përbashkët për të garantuar një dimër të sigurt për të gjithë qytetarët tanë, si dhe takimin e ardhshëm në kuadër të Procesit të Berlinit. Një Ballkan i Hapur do të thotë paqe, prosperitet dhe një të ardhme më të sigurt për njerëzit e rajonit tonë, sepse së bashku jemi gjithmonë më të fortë”, ka shkruar presidenti serb Vuçiç në Instagram.
Ndërkohë marrëveshjet e dyshimta dhe raportet kanë pasur ndikim të paktë në mbajtjen e tyre në pushtet si dhe në marrëdhëniet me Uashingtonin dhe Brukselin, ku dyshja dinamike ka marrë vlerësime të larta për përpjekjet për të “stabilizuar” rajonin, kryesisht në formën e inisiativës së Ballkanit të Hapur, që bën thirrje për një zonë të lirë ekonomike dhe politike të ashtuquajtur “mini-Schengen”