Ditën e sotme nëna e Lear Kurtit, të riut që humbi jetën pak ditë më parë teksa ishte shoqëruar nga policia në komisariat, tha në një intervistë në News 24 se i biri kishte parandjenjë që diçka e keqe do t’i ndodhte nga uniformat blu.
Ndërkohë kreu i PD-së Sali Berisha ka reaguar sërish për vdekjen e Lear Kurtit. Berisha ka postuar në Facebook videon ku nëna e të riut tregon se ai nuk ishte një njeri problematik, duke shkruar se dyshimet e saj ndaj bandës së Rama-Çuçit janë të drejta.
“Dyshimet e drejta të nënës së Lear Kurtit ndaj bandës me uniformë të Rama-Çuçit që i morën shpirtin me dhunë djalit të saj! Ngushëllime edhe një herë nënës për djalin e saj të vetëm, dhe dënim xhelatëve të Edi Ramës dhe Çuçit!”-shkruan Berisha.
Theksojmë se Fatmira Mustafa thotë policia e ndalonte shpesh, teksa tregon se para 10 vitesh gjykata e kishte shpallur të pafajshëm në një çështje që kishte.
Teksa pyetet se tek kush dyshon se e ka dhunuar djalin e saj, ajo shprehet: Vetëm Policia. Atë e donin të gjithë shokët. Ishte pak nevrik, por shokët ia dinin natyrën dhe e pranonin siç ishte. Leari para 10 vitesh iu mbyll një çështje dhe doli i pafajshëm. i erdhi një letër që duhet të paraqitet në gjyq dhe më tha “duhet me ik jashtë se këta do më plasin brenda”. i thashë rri i qetë se kemi avokat. Më tha “çfarë jete është këtu, ke frikë të dalësh”. Policinë e kishte fobi, e kanë kapur disa herë edhe me shoqen e tij që kishte. Por e ndjente