Merret vendimi për për dy shtetasit rusë dhe atë ukrainas, në lidhje me sulmin në uzinën e armëve në Gramsh. Gjykata e Apelit Durrës ka lënë në fuqi masën e “arrestit me burg” e dhënë më herët nga Gjykata e Elbasanit, edhe pse ata kërkuan lirinë.
Ukrainasi, Fedis Albatov është përlotur para trupit gjykues. Ai pretendonte se nuk ka qenë kurrë në Rusi dhe se këtë shtet e konsideron si armik për shkak të luftës në Ukrainë. Ai gjithashtu rrëfeu se nga bombardimet ruse në Ukrainë vëllai i tij ka mbetur sakat, raporton “ABC News”.
Kujtojmë që të dy rusët dhe ukrainasi sipas burimeve hynë në Shqipëri me një automjet tip ‘Chevrolet Camaro’ brenda të cilit thuhet se jane gjetur dy fishek model 5.56mm.
Ndërkohë që burimet bëjnë me dije se nuk dihet ende origjina e fishekut pasi nuk i përkasin vendit tonë apo magazinave ushtarake. 33-vjeçarja Svetlana Timofeeva kishte ardhur me avion nga Rinasi, ndërsa Mikhail Zorin, 23-vjeç erdhi nga Kroacia dhe 25-vjecari ukrainas Fiodor Mihailoviç erdhi nga Mali i Zi.
Ndaj tyre janë ngritur tre akuza. Më konkretisht ajo e sigurimit dhe dhënia e informacioneve ushtarake një shteti të huaj me qëllim cënimin e pavarësisë, goditje për shkak të detyrës dhe mbajtje e armëve të ftohta.
