Mesditën e djeshme në zonën në plazhit në Durrës ka dështuar një atentat me snajper.
Mësohet se shënjestra e atenatit në distancë ka qenë Akil Nerjaku. Akil Neranjaku ka qenë shënjestra e atentatit të dështuar me snajper të realizuar ditën e djeshme në Durrës. Neranjaku është qëlluar me snajper sapo ka dalë nga makina. Por fatmirësisht plumbi ka goditur makinën. Objektivi i këtij atentati mësohet se përpara hetuesve ka deklaruar se ka qenë në lëvizje kur është qëlluar nga persona të paidentifikuar. Theksojmë se policia nuk ka dhënë asnjë njoftim lidhur me këtë ngjarje.
Ngjarja ka ndodhur në zonën e Plazhit, teksa Nerjaku sapo ka zbritur nga një automjet tip “Benz” kur është qëlluar me armë, por nuk e ka kapur plumbi. Dyshohet se është qëlluar me snajper. Konkretisht, ngjarja ka ndodhur mesditën e djeshme në afërsi të zonës së quajtur “Rrota e kuqe”, në rrugën Pavarësia.
Duhet përmendur fakti se shënjestra e atentatit ka qenë i skeduar më parë nga policia e shtetit pasi ai rezulton i arrestuar për armëmbajtje pa leje disa vite më parë dhe është liruar më pas nga Gjykata.
Janë ende të paqarta rrethanat në të cilat ka ndodhur ngjarja, por është e dyshimtë që policia e shtetit e ka fshehur dhe nuk ka dalë me një njoftim zyrtar që prej momentit të ndodhjes së atentatit.
