Ashtu siç edhe është shprehur para disa ditësh kreu i Bashkisë së Tianës se në datë 17 prill, kryeministri do të kishte mbi tavolinë një VKM për Kartat e Studentit, ashtu ka ndodhur.
Tashmë kryeministri Rama ka firmosur dhe ditën e sotme është shprehur se brenda muajit maj nis edhe shpërndarja e Kartës së Studentit, një domosdoshmëri për këtë kategori.
Para studentëve që morën pjesë në Sondazhin Kombëtar të Studentëve, Rama është shprehur se sot është në kushtet që një sërë problemesh janë adresuar dhe zgjidhur dhe të tjera pritet që të adresohen.
“Karta e Studentit do fillojë të shpërndahet brenda muajit maj fillon me 40 shërbime por do ketë edhe të tjera”, ka thënë Rama .
Gjithashtu kryeministri gjatë fjalës së tij ka thënë se kur ka marrë pushtetin, universitetet kanë qenë si në xhungël, por tashmë gjithçka është duke ndryshuar.
“Faktikisht ne jemi sot në situatën kur po vendosim disa piketa që Europa i ka vendosur kohë më parë, por dua ta theksoj se e kemi nisur këtë rrugë nga një situatë xhungle në universitete, ku jepeshin diploma pa vlerë” deklaroi ai.
