Ditën e sotme është shkarkuar nga detyra si Drejtor i Përgjithshëm i Policisë së Shtetit, Gledis Nano, me arsyetimin se ai nuk kishte përmbushur objektivat.
Aktualisht në këtë pozicion është vendosur si drejtor i komanduar i Përgjithshëm i Policisë së Shtetit, Tonin Vocaj. Ndërkohë që përflitet se kandidati kryesor për të marrë detyrën pas largimit të Gledis Nanos është Muhamet Rrumbullaku.
Është paradoksale fakti që teksa hiqet një drejtor i përgjithshëm policie me argumentin që ka treguar mangësi në përmbushjen e objektivave, vendoset një tjetër me figurë aspak të pastër. Muhamet Rrumbullaku, oficeri i policisë që drejtonte dikur SHÇBA ka dalë përpara komisionit të verifikimit të figurës dhe një ndër çështjet kryesore për të cilën u pyet ka qenë fotografia e tij me Arben Frrokun, i akuzuar dhe dënuar për vrasjen e komisar Dritan Lamajt në vitin 2014.
Ndërkohë që në foto Rrumbullaku shihet duke drekuar dhe duke festuar me çifteli krah Arben Frrokut.
Edhe pse pas verifikimit të komisionit, ajo foto ka qenë një rastësi, dhe nuk është bashkëpunim, shfaqja e tij me një vrasës, nuk duket aspak normale për një oficer policie dhe pretedent kryesor për të marrë drejtimin e Policisë së Shtetit në shkallë kombëtare.
Po ashtu një rast tjetër ku tregohet se Rrumbullaku nuk është treguar korrekt në zbatimin e detyrës së tij lidhet me çështjen e Klodian Rashës.
Shërbimi për Çështjet e Brendshme dhe Ankesat me në krye Muhamet Rrumbullaku, Policia e Tiranës me në krye Dhimitraq Ziun dhe Drejtoria e Përgjithshme e Policisë së Shtetit me në krye Ardi Veliun, kanë paraqitur një version tjetër për vrasjen, duke lehtësuar pozitat e policit vrasës dhe duke rënduar viktimën, duke e paraqitur si kriminel. Në njoftimet publike të SHÇBA dhe policisë flitet për vrasje në ndjekje e sipër, sikur Klodiani kishte një armë në dorë që ia kishte drejtuar policit, për një pistoletë afër vendit të ngjarjes etj.
Nga ana tjetër ironik është fakti që Partia Socialiste në kohën që ishte në opozitë e ka sulmuar Muhamet Rrumbullakun për shoqërinë e tij me autorin e vrasjes së Dritan Lamaj, Arben Frrokun.
Muhamet Rrumbullaku do të ëmërohet pikërisht nga ata oligarkë të cilët bënë të njëjntën gjë me Gledis Nanon.
Duke marrë parasysh që në krye të Policisë së Shtetit do të vijë një figurë me një të shkuar të pastër dhe i vendosur nga oligarkët, shpresat që Muhamet Rrumbullaku do të jetë i denjë për detyrën që do të marrë, shuhen paraprakisht. / Përgatiti: Gazeta Reforma
