Ktëtë të hënë LSI do të mbajë Konventën Kombëtare, pasi lideri historik i saj u rithye pas 5 vitesh në detyrë si President i Republikës. Mësohet se gjatë mbledhjes së sotme do të diskutohet dhe do të jetë pikënisja e një reformimi të brendshëm të LSI. Bëhet fjalë për një riformatim që nga baza, pra një rifreskim të forumeve.
Kujojmë se pas 5 vitesh ish-presidenti Ilir Meta rikthehet në një nga organizimet e LSI, në Konventën Kombëtare ku priten zhvillime të rëndësishme për organizimin e kësaj partie. Detaje kanë qenë të pakëta pasi për këtë mbledhje gjithçka ka qenë hermetike, por sot veç Kryemadhit do të flasë edhe Meta dhe LSI do të nisë riformatim që nga baza, rifreskim të forumeve dhe pritet të zgjidhen në poste drejtues persona të rinj por edhe ata që kanë kontribuar deri tani për këtë parti. Meta pati edhe 2 komunikime në rrjetet sociale ku theksoi besëlidhjen kuqezi për sovranitetin dhe referendumin.
E Paqartë mbetet si do të funksionojë drejtimi i LSI duke qenë se Kryemadhi ka deklaruar muajt e fundit se do të jetë ish presidenti që do të marr të frerët, por mbetet për tu parë si do të jetë bashkëpunimi me PD, bashkëpunim i nisur që nga kandidimi i Berishës për të marrë kreun e demokratëve. Ndërkohë në deklaratat e sotme zoti Meta deklaroi se kreun e LSI e ka lënë në kohën kur u bë president, raporton News24.
