Tashmë Prokuroria ka filluar që të marrë masat e duhura dhe të hetojë edhe stafin për grabitjen në Rinas.
Tashmë hetimet janë shtrirë edhe në Aeroportin “Nënë Tereza” ku nuk do të kërkohet vetëm grabitjen, por njëkohësisht do të merren masa edhe për “shpërdorim detyre”.
Tashmë prokurorët e Prokurorisë së Krimeve të Rënda janë duke parë nga afër dhe duke kërkuar të marrin përgjigje se përse policia është njoftuar pesë minuta me vonesë dhe për më tepër nuk është lejuar që të hapë portën dhe të hyjë në pistën e avionëve.
Sipas raportit të dalë nga vet aeroporti, pak përpara grabitjes disa efektivë ndodheshin në pistë për shkak se duhet të merrnin disa të deportuar dhe pikërisht në momentin që janë larguar ka ndodhur edhe gabitja.
Këto janë akuza shumë të rënda që mund të nxjerrin në pah detaje të reja rreth pjesëmarrësve dhe mënyrës së zhvillimit të grabitjes.
