Suksesi për këngëtaren e njohur shqiptare Ronela Hajati duket se nuk ka të ndalur.
Falë angazhimit të saj serioz në karrierë, duket se ajo ka tërhequr vëmendjen e shumë personave, brenda dhe jashtë Shqipërisë duke fituar kështu një numër të madh fansash në të gjithë botën.
Parashtrimin e mësipërm e dëshmon më së miri edhe fakti që këngëtaren shqiptare e kanë ftuar në një emision shumë të famshëm portugez, “Quem SOU eu?”, ku pritet të intervistohet nga moderatorja dhe këngëtarja e famshme Luciana Abreu.
Kjo e fundit ka shpërndarë një video në llogarinë e saj në Instagram ku shfaqet Ronela teksa thotë: “Përshëndetje të gjithëve! Unë jam Ronela Hajati dhe jam e ftuara e radhës në programin ‘Quem SOU eu?’ të Luciana Abreu. Kështu që na ndiqni!”
Ndërsa krah videos moderatorja ka shkruar ndër të tjera se më datën 21 prill, intervista do të jetë në internet, në kanalin e saj në You Tube.
