Pasditen e sotme është grabitur një bankë e nivelit të dytë në Shkodër.
Tre persona, të maskuar e të armatosur, kanë marrë një shumë parash e më pas janë larguar në drejtim të paditur.
Ata janë larguar me një makinë tip “Golf” të zi, ndërsa për fat të mirë, nuk ka raportime për persona të lënduar, raporton Ballkan Web.
Gjithashtu bëhet e ditur se në dalje të Koplikut është gjetur një makinë e djegur, por ende nuk dihet nëse është e autorëve të grabitjes së bankës. Policia deri më tani nuk ka një njoftim zyrtar lidhur me ngjarjen.
Vlen të theksojmë se tashmë maskat janë rikthyer, pasi bankat e nivelit të dytë kanë qenë në shënjestrë për tu grabitur. Në shkurt të këtij viti është tentuar të grabitet një bankë e nivelit të dytë që ndodhet në bulevardin ‘Zogu i Parë’.
Grabitësit kishin hartuar një skemë të të mirëmenduar për t’u futur në ambientet e bankës përmes kanaleve të nëndheshme të ujërave të zeza.
Shërbimet e Policisë, në bazë të informacioneve të siguruara në rrugë operative, se në bulevardin “Zogu I” po kryheshin gërmime, duke përdorur tunele të nëndheshme, me qëllim depërtimin në ambientet e brendshme të një banke të nivelit të dytë, falë reagimit të menjëhershëm, kanë bërë të mundur parandalimin e vjedhjes në bankë
