Një ngjarje tronditëse ka ndodhur në Francë ku një çift me origjinë nga Kosova janë gjetur të vdekur.
Ngjarja ka ndodhur ditën e djeshme, ku burri dhe gruaja u gjetën të vdekur në apartamentin e tyre në qytetin Epinal të Francës.
Trupat e tyre janë gjetur me plagë nga një mjet i mprehtë, që dyshohet të jetë thikë. Mësohet se policia nuk ka përjashtuar asnjë hipotezë për momentin.
Një çift kosovar është gjetur i vrarë në ndërtesën ku jetonte në Epinal të Francës, mëngjesin e së martës.
Mediat franceze kanë raportuar se ata janë vrarë me thikë. Trupat e pajetë të tyre i kanë gjetur fëmijët.Policia dhe zjarrfikësit ishin në vendngjarje prej mëngjesit atje, deri tani akoma nuk janë të qarta rrethanat për rastin.
Por, këta dy prindër i kishin shtatë fëmijë të moshave nga pesë deri në 21-vjeç, dhe ishin duke qëndruar në Francë që nga viti 2018.
Klan Kosova ka kontaktuar me Ministrinë e Punëve të Jashtme të Kosovës dhe me Ambasadën e Kosovës në Francë, prej të cilave është duke pritur përgjigje.
Më poshtë keni pamje nga vendi i ngjarjes:
Çifti ishte rreth të dyzetave dhe kishin shtatë fëmijë, nga pesë deri në 21 vjeç, shkruan France TV Info. Vlen të përmendim se familja ishte strehuar në Francë katër vite më parë “Plagë nga therja janë vërejtur në trupin e gruas dhe burrit. “Fëmijët, njëri katërvjeçar, 13-vjeçar, 16-vjeçar, 19-vjeçar dhe 21-vjeçar u evakuuan nga dritarja e apartamentit nga zjarrfikësit. Dy fëmijët e tjerët ndodheshin në shkollë. Fëmijët e lajmëruan rastin tek autoritetet”, ka konfirmuar prokurori publik i Epinal, Frederic Nahon, në një deklaratë për shtyp të publikuar sot.
