Në kuadër të ‘Javëve Kulturore’ që do të zhvillohen në vend, kryeministri Edi Rama tha në konferencë për shtyp se nisur nga moshat e reja e deri tek të moshuarit, do të kenë mundësi të aktivizohen në aktivitete artistike dhe jo vetëm.
Ai tha dhe se do të oragnizojë edhe një fond për aktivitete kulturore ndonëse në kohë krize.
Ai theksoi se ky program do shërbejë për ndërveprim kulturor me vendet e tjera europiane dhe se konkurrenca do të nisë me Francën.
Pjesë nga konferenca:
Rama: Kemi të gjithë arsyet të besojmë se ministria e turizmit do të njohë rritje të madhe në vitet që vijnë dhe brenda dekadës do jemi kampionë në rajon.
Pyetje: Ku do e merrni fondin në këtë kohë krize?
Margariti: Fond modest por i mjaftueshëm, 100 milionë lekë të reja në funksion të kësaj nisme, vjen nga arka e përbashkët me shtetet e tjera. Do përfshijmë dhe artistët shqiptarë dhe institucione në këto aktivitete.
-Cili është rezultati final i kësaj nisme?
Rama: Është fjala për të ushqyer shoqërinë, fëmijët tanë, të rinjtë tanë me menunë fantastike të gjithë kulturave. Ky është minimumi që mund të bëjmë sepse janë vendet e tjera që organizojnë një pjesë të madhe të gjithë kësaj veprimtarie, me kosto të gjitha natyrave. Është groteske kjo pyetje.
