Pas mbledhjes së grupit parlamentar të Partisë Demokratike, ish-kryeministri Berisha është pyeturnga mediat dhe për fondet me të cilat po bëhet rikonstruksioni i selisë së PD-së dhe nëse grupi i rithemelimit ka marrë në dorë financat.
Berisha u shpreh se në lidhje më këtë çështje aktualisht nuk ka dijeni por që do të kërkojë transparencë.
Ndërsa i pyetur në lidhje me zyrën e tij brenda selisë së Oartisë Demokratike, Berisha u shpreh se do jetë një zyrë e rastësishme, mes zyrave të tjera dhe se deri më tani nuk ka zyrë kryetari.
“Nuk kam asnjë dijeni, por absolutisht do kërkoj që të bëhet transparenca. Nuk e di nëse janë me financat e partisë, sepse është një parti që mbahet nga shteti.
Do të kem një zyrë midis këtyre zyrave në seli. Sapo të lyhet do jetë. Do jetë një zyrë mes këtyre zyrash. Nuk ka zyrë kryetari tani, s’ka zyrë”, deklaroi Berisha.
Po me kryetarët e degëve keni folur?
Po arrijmë në mirëkuptime për vazhdimin e procesit duke amenduar probleme të caktuara.
Si e komentoni mungesën e zotit Basha?
Pyeteni zotin Basha. Ai është anëtar i grupit parlamentar, ne nuk përjashtojmë.
Kujtojmë që ditën e sotme u zhvillua mbledhja e grupit parlamentar të Partisë Demokratike, ndërkohë që ka pasur diskutime të forta midis ish-kryeministrit Berisha dhe Enkeled Alibeaj.
Prania e ish-kryeministrit Sali Berisha, ishte e papërshtatshme sepse nuk ishte i ftuar, kjo sipas kreut të grupit Enkelejd Alibeaj.
Alibeaj njoftoi që në mbledhjen e së enjtes të pranoheshin edhe të pezulluarit dhe të përjashtuarit, përveç Sali Berishës, i cili është i përjashtuar, pasi është ‘non grata’. Por, për Sali Berishën, i cili nuk ka marrë një njoftim zyrtar, ky njoftim zyrtar nuk ka shumë rëndësi.
