Pak pas mesnate në Shkodër janë dëgjuar dy shpërthime të fuqishme eksplozivi. Objekti i parë është në zonën e Pedonales, afër Prefekturës së Shkodrës. Objekti i parë është në zonën e Pedonales, afër Prefekturës së Shkodrës. Objekti në pronësi të ish-kandidatit për Kryetar Bashkie, Xhemal Bushati. Mësohet se objekti në pronësi të tij është me kohë i lëshuar me qira. Ndërsa shpërthimi i dytë është vendosur në një nga linjat e supermarketeve. Ngjarja ka ndodhur në zonën e njohur si ‘Rruga e Gjerë’, pranë stadiumit. Shpërthimi i parë është dëgjuar rreth orës 02:20 dhe vetëm pas 10 minutash është dëgjuar tjetri. ndërkohë nga policia raportohet vetëm për dëme të konsiderueshme materiale. Sipas njoftimit të policisë është ngritur menjëherë grupi hetimor nën drejtimin e Prokurorisë duke mbledhur prova dhe informacione për zbardhjen e plotë të ngjarjeve, identifikimin dhe kapjen e autorit/ëve.
Njoftimi i Policisë:
Shkodër/ Informacion paraprak
Rreth orës 02:20, në derën e supermarketit në pronësi të shtetasit F.M. në lagjen ” Kongresi i Permetit” si dhe në derën e një biznesi tjetër privat butik rrobash në pronësi të shtetasit Xh.B. në lagjen “Vasil Shanto”, është vendosur lëndë plasëse dhe si pasojë e shpërthimit të tyre kanë shkaktuar vetëm dëme materiale.
Grupi hetimor nën drejtimin e Prokurorisë vijon veprimet duke administruar çdo provë dhe duke vlerësuar çdo informacion, me qëllim zbardhjen e plotë të ngjarjeve, identifikimin dhe kapjen e autorit/ëve.
