Parlamenti Evropian është në ndihmë të Ukrainës duke i dhënë 500 milionë euro nga buxheti i BE. Këtë e deklaroi vetë presidentja e Komisionit Europian, Ursula Von Der Leyen .
Gjatë fjalës së saj në seancën e Parlamentit Europian, Der Leyen tha se europian duhet të qëndrojnë më të bashkuar se kurrë. Më tej ajo shtoi se do reduktohet varësia e Evropës nga Rusia, të cilin e konsideroi një investim strategjik që do ndikojë në ekonominë e Kremlinit.
“Ky është moment kritik. Kjo nuk është vetëm për Ukrainën. Si i përgjigjemi sot Rusisë përcakton të ardhmen e sistemit të drejtësisë. Duhet të tregojmë fuqinë e demokracisë. Kjo është mënyra jonë se si tregojmë forcën. Më lejoni të falenderoj Sllovakinë e shtete të tjera që po mirëpresin refugjatët. Kjo është ajo që ne po propozojmë një mekanizëm për ata. Ata e meritojnë, duhet ta bëjmë tani. Ky është vetëm fillimi, më shumë ukrainas do kenë nevojë për ne, ne do jemi aty për ata. Do i ngrijmë dhe asetet e tjera luksoze, jahte, makina të shtrenjta. Do i bllokojmë mediat. Nëse Putin ka menduar se do të përçante PE, ai e ka më gabim se kurrë, ne jemi të bashkuar dhe do të qëndrojmë të bashkuar. Do të jepen 500 milionë euro nga buxheti i BE ndihmë për Ukrainën. Do reduktojmë varësinë tonë nga gazi rus. Ky është një investim strategjik. Kjo do të thotë më pak për ekonominë ruse. Nuk mund ta marrim si të mirëqenë sigurinë e qytetarëve tanë, do marrim përgjegjësitë. Kjo krizë do të ndryshojë Evropën. I shtrijmë dorën qytetarëve që nuk mbështetin Putin”, tha presidentja e KE.
