Lufta nisi ditën e enjte në Ukrainë dhe pamjet e para të plagusurëve ishin të rrënqethëse.
Ndër personat e plagosur rëndë ishte edhe një grua 52-vjeçare e cila me plagët e saj të marra nga sulmi rus, tronditi të gjithë botën.
Gruaja ukrainase, që u bë simbol i rezistencës, ka dhënë një mesazh për presidenti e Rusisë Vladimir Putinin, i cili nuk po ndalet në sulmet ndaj Ukrainës.
52-vjeçarja Olena Kurilo, e cila u fotografua jashtë shtëpisë së saj në Chuhuev e gjakosur, ka treguar se ka ende cifla xhamash të ngulitura në lëkurë dhe sy, e ka frikë për shikimin e saj. Ajo gjithashtu ka një lutje për Putinin, që të ndalojë këtë agresion dhe të vendosë qetësinë në vend.
“Pasi Putin bëri deklaratën e tij duke njohur LPR [Republikën Popullore Luhansk dhe DPR (Republikën Popullore të Donetskut), ne e pamë me kujdes situatën. Ne menduam se një zhvillim politik, por nuk e menduam se do të kishte luftë. Asnjëherë nuk kisha menduar se do shihja vdekjen time me sy, ishte një nga makthet më të tmerrshme që kam parë”, u shpreh ndër të tjera Kurilo.
Gjithashtu ajo ka treguar më tej se është gjysmë ruse.
“Unë flas mirë ukrainisht, por rusishtja është gjuha ime e nënës”, ka thënë gruaja.
