Lufta Rusi-Ukrainë tashmë është në fokusin e të gjithë botës dhe ndiqet minutë pas minuti, si dhe analizohet në detaje.
Sipas ekspertëve të sigurisë nësë Ukraina ia del të rezistojë për 10 ditë, Moskës do t’i mbarojnë paratë.
Profesori dhe ish-shefi i mbrojtjes në Britani, Freedman e ka titulluar shkrimin e tij “Një lojë e pamatur”, duke iu referuar situatës në Ukrainë. Ai shprehet se edhe nëse Rusia mësyn në Kiev dhe lidershipi detyrohet të largohet, kjo nuk do të thotë se Moska ka fituar, pasi rezistenca qytetare ukrainase sipas tij është tepër e fuqishme. Ndërkohë që jemi në ditën e tretë të luftimeve, ushtria ruse nuk po arrin të korrë sukseset e paramenduara. Ushtria dhe qytetarët kanë mbrojtur me sukses Kievin mbrëmë, duke shkaktuar dëme të mëdha për kundërshtarët, në tanke, avionë dhe trupa luftarake.
Gjithashtu nga ana tjetër Ministria e mbrojtjes e Kievit ka vlerësuar deri tani humbjet e Rusisë në rreth 2800 trupa, 80 tanke, 516 automjete të blinduara dhe 10 aeroplanë dhe shtatë helikopterë deri më tani.
Ushtria ruse tani është urdhëruar të zgjerojë përparimin e saj “nga të gjitha drejtimet”, me banorët e Kievit të përgatitur për çdo situatë dhe civilët të cilët janë duke u strehuar në metro.
Megjithatë, një zyrtar i lartë i mbrojtjes amerikane pohoi se Rusia po përballet me më shumë rezistencë sesa parashikonte Moska në pushtimin e saj në Ukrainë dhe duket se ka humbur një pjesë hovit të saj ushtarak.
Ish-shefi i mbrojtjes i Estonisë, Riho Terras, ka pohuar tani se lufta e Putinit nuk do të planifikohet sepse Rusisë po i mbarojnë me shpejtësi paratë dhe armët dhe do të duhet të hyjë në negociata me qeverinë e Volodymyr Zelensky nëse Kievi i mban rusët për 10 ditë.
Tirani rus dyshohet se ka thirrur një takim me oligarkët në një bunker në malet Ural, në të cilin pretendohet se ai shprehu me qetësisht se mendonte se lufta do të ishte ‘e lehtë’ dhe ‘gjithçka do të bëhej brenda një deri në katër ditë’.
Duke cituar burime të inteligjencës ukrainase, Terras pohoi se lufta po i kushton Rusisë rreth 15 miliardë paund në ditë dhe se ata kanë raketa për maksimumi tre deri në katër ditë, të cilat i përdorin me kursim.
gjithashtu pretendoi se operacionet speciale ruse kanë qenë pranë Kievit që nga 18 shkurti dhe kishin planifikuar të kapnin me shpejtësi kryeqytetin dhe të instalonin një regjim kukull.
“Rusët janë të tronditur nga rezistenca e ashpër që kanë hasur. Ukrainasit duhet të shmangin panikun! … Ukraina duhet të qëndrojë e fortë dhe ne duhet të ofrojmë ndihmë!”, shkroi ai në Tëitter.
Megjithatë, ka në një shenjë shqetësuese për Ukrainën. Video nga kufiri perëndimor i Rusisë me Ukrainën tregoi tanke të rënda flakëhedhëse TOS-1 që lëviznin drejt fqinjit të saj.
