Tashmë lëvizjet e grupeve kriminale janë duke u shpërndarë sa nga një qytet në tjetrin. Nëse nisi bujshëm ekzekutimet në Tiranë e më pas në Shkodër, duket se këtë herë ka qenë radha e qytetit të Fierit.
Bëhet fjalë për një makinë që është gjetur e djegur në vendin e quajtur “Afrimi i ri” dhe nga çfarë raportohet në fillim ka pasur të shtëna me armë zjarri në zonë dhe më pas makina është gjetur në flakë në periferi të qytetit.
Pas verifikimeve të bëra nga policia është vënë re se mjeti ka qenë me targa false dhe brenda saj është gjetur një armë dhe një krehër me fishekë.
Tashmë në vendngjarje ndodhet grupi hetimor, i cili është duke hetuar shkaqet edhe pse dyshimet deri tani janë për aktivitet kriminal.
