Noterja Rezarta Koçi, e cila bënte “kërdinë” me mashtrime, duke përvetësuar shuma në vlerë miliona euro nga qytetarë të ndryshëm. Nga denoncimet e shumë qytetarëve, Koçi premtonte shitje të banesave.
Gjykata e Apelit të Tiranës la në fuqi vendimin e Gjykatës së Shkallës së Parë ndaj noteres Rezarta Koçi duke qëndruar ende në burg.
Në vitin 2021, ajo ka përvetësuar në mënyrë të kundërligjshme shuma të konsiderueshme monetare nga qytetarë të ndryshëm.
Ndaj noteres janë bërë 4 kallëzime në polici. Më 8 Korrik 2019 është denoncuar për përvetësimin e parave nga kontrata e shitjes së një pasurie të paluajtshme.
Më 31 Maj 2021, Rezarta Koçi është denoncuar për përvetësim të një shume të konsiderueshme parash nga një kontratë shitjeje e një pasurie të paluajtshme. Më 17 Qershor 2021 është denoncuar për përvetësim të një shume parash nga kontrata e shitjes së një pasurie të paluajtshme. Më datë 7 Shtator 2021 është denoncuar për përvetësimin e një shume të konsiderueshme parash nga kontrata e shitjes së një pasurie të paluajtshme.
Kujtojmë se vite më parë, Rezarta Koçit i ishte hequr licenca nga Dhoma e Noterëve, por më pas përmes vendimit të Gjykatës Administrative Tiranë licenca iu rikthye. Pasi rifitoi licencën, noterja Rezarta Koçi nuk gjendej se ku e kishte zyrën e saj të noterisë, pasi ehe në adresën që kishte deklaruar, shkruhej se ambienti jepet me qira
