Këngëtari shqiptar Arjan Begaj përveçëse mikrofonit, mbante dhe armë dhe drogë, të cilat e çuan në prangat e policisë në Greqi.
Sipas policisë e vendit fqinj, këngëtari shqiptar u kap prej departamentit të anti-drogës së Atikës, së bashku me një shtetas grek me sasinë prej 1 kg kanabis sativa si dhe 50 gramë kokainë. Këngëtari kishte leje qëndrimi në Greqi dhe u arrestua në zonën Artemidha të Atikës. Në banesë iu gjetën 50 gramë kokainë dhe paratë, ndërsa kanabis iu gjet në kohën që u arrestua së bashku me grekun. Gjithashtu policia gjatë kontrollit në banesë i ka sekuestruar 9500 euro cash si dhe një pistoletë dhe 4 fishekë të kalibrit 6.3 mm.
Ndërkohë hetimet vazhdohen prej anti drogës së Atikës, ndërsa dy të arrestuarit do të dërgohen në gjykatë për masë sigurie.
Arjan Begaj këndonte muzikë të zhanrit popullor, dhe disa nga këngët më të njohura të tij ishin “Rromësi im”, që i drejtohej fshatit të Mallakastrës, vendit të tij të origjinës, “Sot djalin do martojmë”, “Sonte më lini rehat”, “Udhëto moj kënga ime”, “Vendi im”, “Vetëm ty të pres”, etj.
Kryesisht aktivitetin e tij e ushtronte në Greqi, por mesa duket jo vetëm këngën, pasi paralel me muzikën ai kishte edhe një biznes tjetër fitimprurës që lidhjen me lëndët narkotike dhe armët.
