3 shqiptarë janë vendosur në prangat e policisë britanike, pasi ëkto të fundit kanë zbuluar ‘shtëpinë ebarit’
Janë arrestuar tre shtetasit Ali Hoxha 29 vjeç, Juljan Jaku 21 vjeç e Renald Dema 21 vjeç.
Ishte një kompani e specializuar në trajnimin e qenve që nuhasin drogën kishte telefonuar policinë e më pas duke gjetur brenda saj të fshehur tre shqiptarë, sipas Daily Mail.
Bëhet me dije se qentë shkonin vazhdimisht në një mur aty ku bënin sjellje të çuditshme. Policia arriti menjëherë në vendin e ngjarjes pas telefonatës dhe zbuloi “shtëpinë e barit” të mbushur me kanabis, i cili nëse do të dilte në treg do të kapte një shifër prej 1,3 milionë paund.
“Ky ishte një zbulim mjaft i rëndësishëm, pasi jo vetëm çoi në arrestimin e 3 personave, por ndaloi që kjo sasi e madhe droge të hidhej në treg. Ata që kishin këtë fabrikë kanabisi menduan”, u shpreh Ross Dimmock, inspektor i zonës.
Theksojmë se mediat britanike çdo ditë publikojnë lajme për shqiptarë të arrestuar dhe të dënuar si të përfshirë në rritjen e kanabisit nëpër shtëpi.
Përafërisht, një person paguhet 2.000 sterlina në muaj të kujdeset për bimët e kanabisit brenda shtëpisë së barit, e përshtatur në mënyrë të tillë për prodhimin e drogës.
