Tashmë që shqiptarët merren me shitjen e lëndëve narkotike në shtetet e tjera, nuk është surprizuese. Por është i habitshëm fakti se një shqiptar drogën e kishte fshehur në një vend intim.
Policia italiane ka vënë në pranga 20-vjeçarin shqiptar në Genoa, ndërsa u zbulua se ai e kishte fshehur kanabisin në të brendshmet e tij.
Shqiptari u ndalua në sajë të kontrolleve në rrugë, ndërsa rezultoi se kishte fshehur një pjesë të kanabisit prej 130 gramësh në makinë dhe një pjesë në trup.
Po ashtu, Policia i sekuestroi shqiptarit, identiteti i të cilit nuk dihet, dhe një shumë prej 1200 eurosh që dyshohet se vinte nga aktiviteti i shitjes së lëndëve narkotike.
Eksperti italian Vincenzo Musacchio ka zbuluar detaje të rendësishme në lidhje me përfshirjen e grupeve kriminale shqiptare në trafikun e lëndëve narkotike nga Amerika Latine në Europë.
Ai zbërthen edhe rrugët e ndjekur prej tyre për shpërndarjen e lëndëve narkotike pasi i kanë sjellë në forma të ndryshme në Europë. Sipas tij, grupet kriminale tashmë përdorin rrjetet sociale për të dërguar drogën tek klientët duke shmangur kështu rrugët apo sheshet, raporton abcneës.al.
Eksperti vë në dukje se Shqipëria mbetet një pikë kalimi kyçe për kokainën që vjen nga Amerika Latine me destinacion Europën, si edhe për heroinën që vjen nga Afganistani, përmes Iranit dhe Turqisë.
