Në kuadër të projektit të të të “Unazës së Madhe”, disa zona të Tiranës do të preken drejtëpërdrejt nga ky projekt duke ua shembur shtëpitë.
Dita e sotme është aksioni i radhës kur IKMT do të ndërhyjë sërish në zonën e 5 Majit në Tiranë, për shembjen e banesave të radhës.
Të enjten një përfaqësi e banorëve u takuan me kryeministrin Edi Rama, por nuk morën asnjë zgjidhje në këmbim.
“I thamë që nuk iu kemi asnjë borxh që na i shembën shtëpitë, na tha që do merrni, por jo se kur. Nuk kemi marrë asnjë zgjidhje dhe asnjë lloj përgjigje, ne nuk duam shtëpi me taksat e shqiptarëve se i kishim ndërtuar me djersën tonë.
Kur e pashë kontratën, ajo ishte si përherë, avokati tha se nuk kishte asnjë ndryshim në kontratë, me e dit se bukë e kripë kam për të ngrënë dhe kontratën nuk e firmos. Ne duam shtëpinë këtu ku e kemi pasur dhe metrat që kemi pasur, ne nuk duam bonus qeraje”, shprehet Liza Marku.
Një tjetër banor shprehet se askush nuk ka ardhur që të shohë se ku ata jetojnë pas shembjes së shtëpive të tyre.
“Askush nuk ka ardhur aty që të na shohë se ku jetojmë, po qëndrojnë në gërmadha. Çfarë mund të presim ne ndihmë nga ky shtet, ne duam të na vlerësojnë, ra tërmet nga Zoti e u kujtuan këta për rindërtimin”.
