Gjatë ditës së sotme në aksin Elbasan-Librazhd ka ndodhur një aksident i cili për pak i ka shpëtuar fatit tragjik, pasi mund të bëhej fatale. Një furgon me pasagjerë ka humbur kontrollin e drejtimit të lëvizjes dhe është përplasur me barrierat mbrojtëse të rrugës.
Ngjarja ka ndodhur mesditën e sotme rreth orës 12:00, ku një mjet që vinte nga Elbasani në drejtim të Librazhdit, për shkak të lagështirës ka dalë nga rruga. Reshjet e dendura të shiut dhe rruga kanë bërë që drejtuesi i mjetit të humbë kontrollin, duke rrezikuar jetën e disa dhjetra pasagjerëve.
Por numri i këtyre të fundit nuk është bërë ende me dije. Fati tragjik i aksidentit është shmangur pasi drejtuesi i mjetit duke përdorur frenat ka mundur që të ndalojë në pjesën e jashtë të rrugës, e cila është e mbushur me gurë, por ishte shumë pranë tragjedisë, duke rrezikuar të përsëritej ajo që ndodhi vetëm një javë më parë.
Policia:
Me datë 07.02.2022, rreth orës 12:00, në aksin rrugor Librazhd-Elbasan, në vendin “Ura e Murrashit’, shtetasi M. L., 29 vjeç banues në Korçë , duke drejtuar mjetin autobus tip “Benz”, si pasojë e lagështirës në rrugë, ka humbur kontrollin e mjetit dhe ka dalë nga rruga duke u përplasur me bordurën metalike. Nuk ka dëme në njerëz vetëm dëme të lehta materiale.
