Pas vendimit ku do të dënohet me 3 vite e 4 muaj burg, ka ardhur reagimi i Saimir Tahirit. Ai shprehet se nuk ka shkelur asnjë ligj, ndërsa thekson se i do të gjithë.
Saimir Tahiri:
Ju dua shume te gjitheve! Me vjen keq qe shkoi keshtu. Jam moralisht i qete, nuk kam shkelur kurre ligjin, kam dashuruar cdo dite te punes sime, jam i lumtur qe kam bere detyren sic me mire munda.
Eshte thjeshte PADREJTESI!
Apeli i Gjykatës së Posaçme vendos dënim me burg për Saimir Tahirin, teksa pritet të vuajë 3 vite e katër muaj burg. Dënimi për ish-Ministrin e Brendshëm, Saimir Tahiri nis që ditën e sotme. Tahiri do të dalë nga salla e gjyqit me pranga në duar, për t’u transferuar më pas në një burg të sigurisë normale.
Vendimi do të zbatohet që sot dhe kjo mund të quhet dita e parë e Tahirit në burg, është transferuar menjëherë në qelitë e paraburgimit të IEVP 313. Pak çaste pas dhënies së vendimit, ish ministri ka bërë edhe telefonatën e fundit e cila mendohet të ketë qenë me familjarët e tij të cilët kanë qenë në pritje të vendimit.
Kujtojmë që Prokuroria e Posaçme Kundër Korrupsionit ka kërkuar dënimin me 12 vite burg për ish-ministrin dhe ish-drejtorin e Policisë së Vlorës, Jaeld Çelën. Por për shkak të gjykimit të shkurtuar, ky dënim zbret në 8 vite burg për të dy ish-zyrtarët për lidhjet e dyshuara me të ashtuquajturin “Grupi i Habilajve”, vëllezërit e akuzuar për trafik të sasive të mëdha të marijuanës nga Shqipëria drejt Italisë.
