Në Shkodër, në lagjen “Tophane” ka ndodhur një ngjarje e rëndë, pasi një banesë është përfshirë nga flakët.
Brenda banesës ndodhej i moshuari i cili ka 72-vjeçar, i cili ka mbetur viktimë e zjarrit. Viktima ishte i sëmurë dhe i paralizuar. 72-vjeçari Musa Zeqiri jetonte vetëm me bashkëshorten në banesë dhe në momentin e rënies së zjarrit nuk ka mundur të dalë jashtë.
Gruaja e tij, edhe ajo e moshuar, është munduar ta shpëtojë nga flakët, duke rrezikuar edhe jetën e saj, por nuk ka mundur ta nxjerrë dot. Kanë qenë banorët e lagjes, të cilët kanë shkuar menjëherë, duke shpëtuar gruan, ndërsa 72-vjeçarin nuk kanë mundur ta nxjerrin.
Sipas banorëve, në këtë banesë kishte rënë zjarr disa herë, 3-4 herë, ku këtë herë i moshuari ka humbur jetën. Thuhet se zjarri nuk ka pasur lidhje me energjinë elektrike dhe mund të jetë shkak i bombolave të gazit.
“Më datë 03.02.2022, rreth orës 13:30, në lagjen “Salo Halili”, Shkodër, ka rënë zjarr në katin e parë të një pallati. Si pasojë ka gjetur vdekjen shtetas M. Z. 79 vjeç, dhe ka pësur djegie bashkëshortja e tij e cila ndodhet jashtë rrezikut për jetën në Spitalin Rajonal Shkodër. Në vendin e ngjarjes ndodhen shërbimet e Policisë dhe shërbimet PMNZ, ku kanë bërë të mundur fikjen e zjarrit. Grupi hetimor po kryen veprimet për zbardhjen e rrethanave të ngjarjes”, njofton policia.
