Ditët e sotme njerëzit gjejnë mënya sa më kreative për të fituar para dhe ky është rasti i një 31-vjeçari nga Britania e Madhe.
Ndërkohë që për shumë njerëz pritja në rradhë të gjata për të marrë një shërbim ose produkt është një makth i vërtetë, Beckitt, i cili është një shkrimtar i trillimeve historike, e identifikon veten si një “profesionist në radhë”.
Ai kërkon rreth 27 dollarë në orë për qëndrimin në radhë dhe thotë se fiton më shumë se 200 dollarë në ditë duke qëndruar në radhë për të tjerët.
Ai ka klientë që variojnë nga familjet me fëmijë te pensionistët dhe qëndron në radhë për pazar, duke marrë bileta për ekspozita, muze, filma dhe shfaqje.
Pasi ka punuar për tre vitet e fundit, Beckitt thotë se është bërë ekspert në këtë “zanat”. Sipas medieve të huaja, përcjell Telegrafi, bëhet fjalë për Freddie Beckitt nga Londra i cili fiton para duke qëndruar në radhë për njerëzit e tjerë që nuk duan të bëjnë një gjë të tillë. Në shumë raste, qëndrimi në radhë dhe marrja e biletave përfundon brenda disa orësh, por Beckitt thotë, ai më pas pret edhe disa orë të tjera derisa klientët e tij të mbërrijnë për t’u dorëzuar biletat e tyre.
Beckitt shpjegon se si familja dhe miqtë e tij fillimisht u argëtuan nga zgjedhja e tij e çuditshme e profesionit. Gjithashtu përveç fitimit të parave nga qëndrimi në radhë, Beckitt gjithashtu reklamon veten për disa punë të çuditshme të tjera.
