Javën e kaluar ministrja e Arsmit Evis Kushi bëri të ditur se nga e hëna në të mërkurë, përkatësisht në datat 24 deri më 26 janar shkollat do të ishin të mnyllura për shkak të temperaturave të ulëta.
Ndërkohë sot rinis sot procesi mësimor, pas një ndërprerje 3 ditore, për shkak të motit të keq në vend. Ministria e Arsimit vendosi ditën e premte që të pezullojë mësimin duke nisur nga dita e hënë, deri të mërkurën, pasi parashikoheshin temperatura ekstreme të motit, deri në -17 gradë celsius. Vendimi në fjalë përfshinte të gjithë arsimin parauniversitar në vend, publik dhe privat.
Ndërkohë, për kopshtet dhe çerdhet iu la vendimi bashkive përkatëse. Përballë këtij vendimi, ministrja e Arsimit pranoi publikisht se në disa shkolla mungesa e ngrohjes ishte një ndër arsyet që ato u kyçën përgjatë tri ditëve.
Ministrja e Arsimit Evis Kushi deklaroi sot se mbyllja e shkollave për tre ditë për shkak të kushteve të vështira të motit ishte e detyrueshme dhe e këshilluar nga ekspertët. Komentet Kushi i bëri në konferencën për mediat pas mbledhjes së qeverisë.
Ajo tha për gazetarët se mbyllja nuk ka ardhur vetëm për shkak të mungesës së ngrohjes në shkolla.
Ndërkohë pritet që nesër të gjithë nxënësit të rikthehen në shkolla, pasi sipas Kushit, edhe kushtet atmosferike do të jenë më të favorshme.
“Lajmi i mirë është që nesër të gjithë nxënësit do të rikthehen në shkolla, moti parashikohet të jetë më i favorshëm. Temperaturat nuk ishin të zakonshme. Kjo nuk ndodh vetëm në Shqipëri. Edhe Greqia i mbylli shkollat të hënën. Edhe Turqia ka bërë të njëjtën gjë dhe shumë shtete të tjera. Arsyeja nuk ka qenë vetëm ngrohja në shkolla, por ne duhet të kujdesemi dhe kemi përgjegjësi për nxënësit që në momentin kur dalin nga shtëpia nëse ka ngricave në rrugë duhet të marri masat”, u shpreh ministrja.
