Anila Sevdari, një mjeke pediatre, ka theksuar se kujdesi i fëmijëve duhet të jetë parësor nga ana e prindërve dhe kryesisht të shmangin frekuentimet jo të domosdoshme në vende të caktuara me shumë popullim dhe lëvizje. Në një intervistë për Fax News lidhur me infektimet e fëmijëve me variantin “Omicron”, mjekja tha se në 30 apo 50 vizita të bëra, rreth 4 apo 5 prej tyre, rezultojnë pozitivë me Covid.
Anila Sevdari:
Prindërit për çdo shenjë që u duket jo normale me fëmijën e tyre, flasim për temperaturën, kollën, ethet përveçse duhet ta mbajnë në vëzhgim duhet të paraqiten për të marrë ndihmën mjekësore të duhur. Nëse flas personalisht për çfarë më ka ndodhur mua aktualisht, mund të kenë kërkesë gjatë ditës, 4 deri në 5 fëmijë në ditë të cilët mund të dalin pozitivë. Prindërit duhet të bëjnë të njëjtin kujdes, të mos shkojnë ë në kënde lojërash edhe në vende të cilat nuk janë domosdoshmërish për t’u vizituar. Të jenë sa më të kujdesshëm në ushqime, herë pas herë ju këshillojmë edhe vitamina për të forcuar sistemin imunitar. Për vaksinimin më tepër kanë shfaqur interes prindërit e fëmijëve mbi 16 vjeç duke qenë se duan të vazhdojnë shkollën e lartë apo të dalin jashtë shtetit.
