Presidenti turk Erdogan pasi është larguar nga Shqipëria ka takuar në pallatin e tij homologun serb, presidentin Aleksandër Vuçiç. Ndonëse moti nuk ishte në favor të takimit, Vuçiç iu realizua një pritje madhështore, në Turqi nga kreu i shtetit turk. Vuçiç shprehet se pas bisedimeve me homologun turk u dakorduan se ruajtja e paqes dhe stabilitetit janë të rëndësishme për të dy vendet.
Vuçiç:
Është e rëndësishme që ne të kemi marrëdhënie të qëndrueshme, të mira dhe miqësore.
Ndërkohë gjatë këtij takimi u nënshkruan edhe disa dokumente të rëndësishme për përmirësimin e mëtejshëm të bashkëpunimit bilateral ndërmjet Serbisë dhe Turqisë.
Ndërkohë pasditen e djeshme janë nënshkruar disa marrëveshje mes qeverisë shqiptare dhe asaj turke me rastin e vizitës zyrtare të Presidentit të Turqisë Recep Tayyip Erdogan në Shqipëri. Bëhet fjalë për marrëveshje dhe memorandume bashkëpunimit në disa fusha. Pas nënshkrimit pritet të ketë dhe një konferencë për mediat nga kryeministri Rama dhe Presidenti Erdogan.
Kujtojmë se pas fjalimit të mbajtur në Laç ku dorëzoi çelësat e shtëpive të ndërtuara, Erdogan bashkë me Edi Ramën kanë shkuar në godinën e kryeministrisë. Vizita e Erdogan në vendin tonë ka ardhur në 554 vjetorin e vdekjes së Skënderbeut, teksa vizita po zhvillohet në masa të rrepta sigurie ku shumë akse që lidhin kryeqytetin janë të bllokuara.
