Kanë kaluar 4 ditë që nga lajmi i zhdukjes së 16-vjeccares nga Vlora, Eliza Tozaj. Në deklaratën e saj, nëna e vajzës ka deklaruar ditën e sotme se shkak i largimit të vajzës dyshohet të jetë lidhja me një djalë që ka pasur 16-vjeçarja, për të cilën familjarët nuk ishin dakord. Sipas mamasë së 16-vjeccares, përpara se vajza të largohej ata kanë pasur një debat. Ndër të tjera mësohet se ditën që ajo është larguar nga shtëpia ka pasur të veshur një palë xhins të zeza, xhup të zi me kapuç dhe një bluzë-golf ngjyrë vishnje.
DËSHMIA
Nëna:
Në lidhje me largimin e vajzës. Policia nuk na ka thënë asnjë gjë, na ka thënë vetëm që jemi në kërkim. Nuk kemi marrë asnjë lajm nga vajza. Thjesht kanë thënë që jemi në terren, po e kërkojmë.
Pyetje: Vajza është larguar edhe njëherë në datën 12 për t’u kthyer pas disa orësh
Nëna:
Po
Pyetje: A mendoni se ka lidhje me shkakun që është larguar një djalë?
Nëna:
Po ky është shkaku. Vajza është lidhur me një djalë, që ne nuk e pranuam dhe për këtë arsye është larguar nga shtëpia. Djali ka deklaruar në polici që nuk kam lidhje me vajzën, nuk e di ku është ndërkohë që djali është personi i fundit që ka folur me vajzën përmes mesazheve. Unë kam bindje 100 për qind të plotë që djali e fsheh vajzën.
Pyetje: Keni pasur ndonjë debat në familje?
Nëna:
Po ne kemi pasur një debat. Nuk kemi qenë dakord që vajza të ketë një lidhje që në këtë moshë. Është një moshë që ajo duhet të bëjë shkollën.
Pyetje: Ju vetë e keni kërkuar?
Nëna:
E kemi kërkuar në të gjitha lagjet e Vlorës dhe në një lagje kemi marrë informacion që vajza është parë në atë lagje. Kemi marrë informacione nga tre veta. Ka edhe njerëz të tjerë që kur shikojnë foton e vajzës ngurojnë të tregojnë të thonë diçka, kanë frikë të thonë diçka.
