Dita e sotme shënon 554-vjetorin e vdekjes së heroit tonë kombëtar, Gjergj Kastrioti Skëndërbeu.
Presdenti i Shqipërisë Ilir Meta e ka kujtuar këtë ditë të veçantë përmes një mesazhi, ku është shprehur se Gjergj Kastriot Skëndërbeu do të mbetet krenaria dhe fuqia, trimëria dhe guximi, frymëzimi dhe lavdia jonë e çdo epoke.
Gjithashtu Meta shtoi se Skëndërbeu vazhdon të jetë si shqiptari më i gjallë prej nesh, kjo falë veprës së tij.
“Kryeheroi ynë Kombëtar, Gjergj Kastrioti Skënderbeu, krenaria dhe fuqia, trimëria dhe guximi, frymëzimi dhe lavdia jonë e çdo epoke, do të mbetet përjetë shqiptari më i gjallë ndër nesh!
Vepra e pavdekshme e simbolit më përbashkues, që përcaktoi përgjithmonë përkatësinë tonë europiane do të na udhëheqë gjithmonë në çdo përpjekje për liri, sovranitet dhe dinjitet kombëtar” thuhet në mesazhine presidentit Meta.
Kujtojmë që ditën e sotme e vjen në Shqipëri presidenti i Turqisë Erodgan .
Bëhet me dije se Erdogan do të pritet në aeroportin ndërkombëtar të Rinasit në orën 09.25, ndërkohë që më pas nga Rinasi, ai do të udhëtojë drejt Laçit, në kompleksin e apartamenteve që janë ndërtuar falë donacioneve të qeverisë së tij për familje të prekura nga tërmeti i 26 nëntor.
Kujtojmë që Erdogan do të përurojë 524 apartamente të reja të banimit.
Fundi i axhendës së vizitës së Erdogan është mbajta e fjalës përshëndetëse në Kuvendi, në orën 17 00, teksa parashikohet që rreth orës 18:30 të niset për në Turqi.
