Policia në qytetin e Fierit kanë arrestuar një 50-vjeçar fierak. Ky i fundit akuzohet se ka plagosur rëndë me mjet prerës një 31-vjeçar. Pasi u plagos, 31-vjeçari është nisur me urgjencë në spitali rajonal të Fierit, ndërsa autori është vënë në prangat e policisë.
Fatmirësisht, i plagosuri është jashtë rrezikut për jetën. I arrestuari është shtetasi me iniciale, E. H., 50 vjeç, banues në Fier, pasi në fshatin Shtyllas ndërsa i plagosuri sipas policisë është shtetasi me iniciale, D. M., 31 vjeç, banues në fshatin Shtyllas. Policia ka nisur hetimet dhe po punon për zbardhjen e plotë të ngjarjes.
Kujtojmë se ngjarja ka ndodhur për motive të dobëta dhe në tension e sipër, 50-vjeçari ka goditur me biçak, shtetasin D. M., 31 vjeç. Në vijim pritet të bëhen të ditura dhe emrat e plotë të autorit dhe të plagosurit.
Njoftimi i Policisë për ngjarjen në fjalë
Specialistët për Hetimin e Krimeve në Komisariatin e Policisë Fier arrestuan për veprën penale “Plagosje e rëndë me dashje” shtetasin E. H., 50 vjeç, banues në Fier, pasi në fshatin Shtyllas, për motive të dobëta ka goditur me mjet prerës (biçak) shtetasin D. M., 31 vjeç, banues në fshatin Shtyllas, i cili ndodhet në spital nën kujdesin e mjekëve.
