Ditën e sotme paraqitet situatë e tensionuar në selinë e Partisë Demokratike. Ish-kryeministri Sali Berisha ka hyrë me forcë brenda ambienteve. Berisha në momentin që është futur në mjediset e brendshme të selisë së partisë, dyert e sallave i ka gjetur të mbyllura, ndërsa mbështetësit e tij janë detyruar t’i hapin ato me forcë.
Mësohet se dera u shkelmua nga shoqëruesi i ish-kryeministrit, Sali Berisha. Ndërkohë pas këtij incidenti ka ardhur reagimi i PD. Në një njoftim për mediat, PD thekson se pas analizës së pamjeve filmike rezulton se i urdhëruar nga deputeti Flamur Noka, shtetasi Fatjon Dauti, preson me precedent të rëndë kriminal, që shoqëronte Sali Berishën ka dhunuar ambientet e selisë qendrore të PD-së dhe për këtë është denoncuar në polici.
Kujtojmë se ditën e sotme në selinë blu u zhvilluan dy mbledhje paralele, ku me herët Lulzim Basha kishte mbledhur anëtarët e grupit parlamentar në një nga sallat e selisë, apo siç njihet ndryshe nga gazetarët si salla e grupit.
Po ashtu, ish-kryeministri Berisha në momentin që është futur në mjediset e brendshme të selisë së partisë, dyert e sallave i ka gjetur të mbyllura, ndërsa mbështetësit e tij janë detyruar t’i hapin ato me forcë. Berisha dhe mbështetësit e tij u vendosën tek salla e konferencave për të vijuar mbledhjen me anëtarët e Komisionit të Rithemelimit të PD-së.