Një shpërthim makine ka tronditur mbrëmjen e sotme lagjen “ 24 Maji” në Vlorë.
Makina e cila është shkrumbuar plotësisht mësohet të ketë qenë i tipit “Peugeo 206”, e cila sipas burimeve të policisë ka qenë në pronësi të një zonje me inicialet J.B.
Tashmë në vendngjarje kanë mbërritur forcat zjarrfikëse të cilat kanë arritur të shuajnë flakët, ndërkohë që Policia është duke hetuar rreth pistave dhe shkaqeve të mundshme që mund të kenë çuar deri në djegien e automjetit.
Deri më tani efektivët blu dyshojnë se kjo ka qenë një zjarrvënie e qëllimshme, por cila është arsyeja e këtij konkluzioni ende nuk bëhet e ditur.
Megjithatë grupi hetimor është duke analizuar situatën dhe duke kryer hetimet e nevojshme për të zbardhur plotësisht ngjarjen.
